Wordy haqida

Nima uchun yaratildi

O'zbek tilida so'zlashuvchi o'rganuvchilar uchun ingliz tili materiallari ko'p, lekin ularning aksariyati so'zlarni ro'yxat sifatida beradi. Ro'yxat yodlashda asosiy muammo takrorlash jadvalining yo'qligi: so'z bugun yodlanadi, ertaga ko'rilmaydi va bir haftada yo'qoladi.

Wordy shu bo'shliqni to'ldirish uchun qurildi — har bir so'z uchun keyingi takrorlash vaqtini tizim o'zi hisoblaydi va faqat muddati kelgan so'zlarni chiqaradi. Interfeys va barcha kontent o'zbek tilida, chunki tushuntirish ona tilida bo'lganda o'zlashtirish tezroq kechadi.

Metodika qaysi tadqiqotlarga tayanadi

Platformadagi takrorlash mantiqi o'ylab topilgan emas — u xotira bo'yicha keng tan olingan tadqiqotlarga asoslanadi. Asosiy manbalar:

• Unutish egri chizig'i — Hermann Ebbinghaus (1885). Yangi ma'lumot takrorlanmasa, dastlabki kunlarda eng tez unutilishini ko'rsatgan klassik ish. Takrorlash oraliqlarining asosi shu.
• Oraliq effekti (spacing effect) — Cepeda va hamkasblar (2006), 254 ta tadqiqot meta-tahlili. Bir xil o'quv vaqti oraliqlarga bo'linganda, bir o'tirishda o'rganishdan sezilarli samaraliroq ekanini tasdiqlagan.
• Testlash effekti (retrieval practice) — Roediger va Karpicke (2006). Qayta o'qish emas, xotiradan chiqarib olishga urinish uzoq muddatli eslab qolishni kuchaytirishini ko'rsatgan. Flashcard rejimi shu tamoyilda ishlaydi.
• So'z chastotasi ro'yxatlari — eng ko'p ishlatiladigan so'zlar bo'yicha tavsiyalar ochiq korpus ma'lumotlariga tayanadi.

Batafsil tushuntirishlar blogda: spaced repetition nima, so'z nega unutiladi.

Kontentni kim tayyorlaydi

Blog maqolalari va ilova ichidagi ta'limiy matnlar Wordy tahririyati tomonidan tayyorlanadi. Tahririyat mahsulotni ishlab chiquvchilar va ingliz tili o'qitish tajribasiga ega muharrirlardan iborat.

Maqolalarda muallif sifatida jamoa ko'rsatiladi, chunki har bir matn bir necha bosqichdan o'tadi: metodik asos tekshiriladi, misollar o'zbek tilida so'zlashuvchi o'rganuvchi nuqtai nazaridan qayta yoziladi, so'ngra ilovadagi real mexanikaga moslashtiriladi.

Tahririyat tamoyillari

• Metodik da'volar manbaga tayanadi — «shunday deyishadi» yetarli emas.
• Natija vaʼda qilinmaydi. «Bir oyda 1000 so'z» kabi tekshirib bo'lmaydigan raqamlar yozilmaydi.
• Maqolalar yangilanadi. Har bir maqolada nashr va oxirgi yangilanish sanasi ko'rsatiladi.
• Xato topilsa tuzatiladi. Noaniqlik ko'rsangiz — Telegram orqali yozing.

Platforma haqida qisqa ma'lumot

Ish boshlagan

2025-yil

Joylashuv

Toshkent, O'zbekiston

Interfeys tili

O'zbek

Platformalar

Veb, Android va iOS (PWA), Telegram

Bepul rejim

Bor — kartasiz